I-EPWP iyaqhubeka nokuthuthukisa abampofu ngoHlelo Lokunakekela Intsha ... kulokhu ibisesifundeni saseMkhanyakude...Kubika uVusi Shabalala kanti izithombe nguSibongile Dlangalala
Kubika uVusi Shabalala kanti izithombe nguSibongile Dlangalala
UMnyango Wezemisebenzi Yomphakathi KwaZulu-Natali, esifundeni saseMkhanyakude wamukele ngezandla ezithokomele izimenywa ezaziqhamuka kuwo wonke amagumbi oGu oluseNyakatho lwesiFundazwe saKwaZulu-Natali ngenhloso yokuyobamba iqhaza oHlelweni Lokunakekela Intsha loMnyango Wezemisebenzi Yomphakathi waKwaZuluNatali olwaluhlelwe nguMnu. Xolani Xulu, oyiMenenja yoHlelo Olwenatshisiwe lwemisebenzi Yomphakathi (EPWP) ngaphansi koMnyango Wezemisebenzi Yomphakathi .
Ngenhla nguMnu. TJ Motha: onguMqondisi Wesifunda
eMnyangweni Wezemfundo Wesifundazwe
Isithangami sokwazisa sasihlelelwe ukuthi sibe seHluhluwe Primary School, isikole esasigubha iminyaka sikhona kusukela ngonyaka we-1957 kanye nokuvulwa kwaso ngokusemthethweni mhla zingama-20 kuNdasa ngowe-1964.
Ngenhla nguMnu. Xolani Xulu, iMenenja ye- EPWP enza
isethulo.
UMnu. Thabo Nkosi, woMnyango Wezemfundo eMgungundlovu, owayenguMqondisi Wohlelo, wanika yonke iminyango ebambe iqhaza ithuba lokuba izethule ngesikhathi uhlelo luqhubeka. UMnu. Motha, naye osebenzela uMnyango Wezemfundo wagalela kwezwakala maqondana nenhloso yesithangami sokwazisa ngaphambi kokuba ethule ngokusemthethweni asebenzisana nabo.
UMnu. BonganiManqele, iSekela leMenenja: iMisebenzi
Yesifunda, esiFundeni esisoGwini oluseNyakatho ethula
abasebenzi boMnyango Wezemisebenzi Yomphakathi
Ukwethulwa kwezimenywa nezithunywa ezazimele iMinyango ehlukene ebambe iqhaza kanye nemikhakha ehlukene kwenziwa nguMnu. Bongani Manqele woMnyango Wezemisebenzi Yomphakathi ozinze esiFundeni esisoGwini oluseNyakatho. Ezinye zezimenywa ezethulwa kwaba ngoNkk. Majola obhekele ezeMpilo Nokuphepha Emsebenzini esiFundeni esisoGwini oluseNyakatho kanye noNkk. Dludla obhekele i-EPWP esifundeni esisogwini oluseNyakatho.
uNk Nokuthula Dludla uMsizi weMenenja ye-EPWP
esiFundeni esisoGwini oluseNyakatho
Kafushane nje, ngoHlelo Lokunakekela Intsha, lolu hlelo kuhloswe ngalo ukubhekana nokukhucululwa bukhoma kwezikole ngokuthi kusetshenziswe intsha engasebenzi yenze umsebenzi walolu hlelo. Lolu hlelo lugxile futhi ekunciphiseni ububha ngokuthi kuhlonzwe intsha engasebenzi evela emiphakathini ehlwempu kakhulu ukuthi kube yiyo ehlomulayo ohlelweni. Okuhle ngalolu hlelo ukuthi luhlomulisa uHulumeni Wesifundazwe kanye nalabo abayingxenye yalo njengoba izikole zisala zihlanzekile okuyinto ehambisana nokunakekelwa kwemvelo kanye nokuhlinzekwa kwemali ebekiwe kulabo abahlomula kulolu hlelo njengendlela yokuqinisa iphakethe.
UNk Gelly Majola oyiSikhulu esibhekele ezeMpilo
Nokuphepha Emsebenzini: esiFundeni esisoGwini
oluseNyakatho
Umongo walolu hlelo ukubuyisela
ukuzigqaja kanye nokuthi imiphakathi
iluthathe njengento yalo lolu hlelo ngokuthi
igcine indawo kanye nemvelo kuhlanzekile
futhi kuphephile. UHlelo lulandela le ndlela
yokusebenza ukuze luphumelele:
okungamathuluzi okumele asetshenziswe
kuleyo ndawo kanye nemishini, inkokhelo,
ukuqashelwa kwendawo kanye
nokuhoxiswa kwenkontileka.
Amathuluzi okumele asetshenziswe kuleyo
ndawo kumele kube yisikole esinegceke
elingama-hektha ama-3 okuyindawo
engakwazi ukusetshenziswa ngabantu
abayisithupha. Ngaphezu kwalokho indawo
kumele ingaqheli ngamakhilomitha
angaphezu kwama-5 kunalapho kuhlala
khona labo abazobe besebenza kuyo ukuze
kugwenywe izindleko zokugibela.
Abahleli phansi kusuka kwesokunxele nguMqondisi
Wohlelo, uMnu. Nkosi woMnyango Wezemfundo
Wesifundazwe ozinze eNhlokoHhovisi ngesikhathi
uMnu. Manqele ethula izimenywa kanye noMnu. Xolani
Xulu (ohleli ngakwesokudla)olalelisise ngempela.
Maqondana namathuluzi kanye nemishini,
uMnyango Wezemisebenzi Yomphakathi
uyazibophezela ukuthi uzohlinzeka
amathuluzi kanye nezimpahla zokuphepha
kulabo abazobe besebenza. Ezinye
izimpahla zokuphepha zingatholakala
zinikezwe uma uMnyango ubona
kunesidingo futhi kufanele kuye ngokuthi
ikhona yini imali. Maqondana nenkokhelo,
imali yokuqinisa iphakethe elinganiselwa
kuma-R960.00 izokhokhelwa labo abazobe
besebenza ngokuthi ifakwe kuma akhawunti abo asebhange.
Lolu hlelo luthi alufane nalolo olwenziwa
eMsinga. Kwabe sekuvulwa ithuba
lemibuzo nokuphawula kulabo
ababeqokiwe kumbe abazobe besebenza.
Kafushane nje kwakubukeka sengathi
yiphupho ngendlela abantu abaluthakasela
ngayo uhlelo, ikakhulu labo abazobe
besebenza. Kwahlaba umxhwele futhi
ukubona lowo muzwa wenjabulo kothisha
nothishanhloko njengoba lolu hlelo
lungumhlahlandlela wokwenza ngcono
impilo yabantu abahlwempu besiFunda
saseMkhanyakude.
Umphakathi wavezela izimenywa isidingo
esikhulu sokuthi lolu hlelo njengoba
selwethuliwe, luqhutshwe.
Phezulu nangezansi:Izithombe zamaqembu amabili
ezathwetshulwa ngesikhathi kunesithangami sokwazisa
Ngenhla umkhandlu obhekele inqubekela phambili
yoHlelo Lokunakekela Intsha
UMnu Xolani Xulu ethula inkulumo yakhe
UMnyango Wezemfundo Wesifundazwe wawumelwe nguMnu. TJ Motha, uMqondisi Wesifunda; uNk SH Zulu weSiyingi saKwaHlabisa; uMnu. Nkosi owayeqhamuka eNhlokoHhovisi; uNk Shwala naye owayeqhamuka khona eNhlokoHhovisi, uNk NB Miya weHhovisi Lesifunda kanye noMnu. Mhlongo owayeqhamuka eNhlokoHhovisi .
UMqondisi Wohlelo, uMnu. Nkosi ebeka awakhe
okuphawula ngesikhathi abanye bekude ngemicabango
beninga
UNk Dludla (kwesokunxele) uMnu. Motha kanye noNk
Majola (kwesokudla)
